粵語之中保留咗唔少古代語嘅語音語法，因此唔少粵語詞并非“本地土特產”，而來源于各種漢語典籍或典故。
唔講你唔知，原來呢啲粵語詞咁有文化！
搵周公/見周公
廣東人習慣將瞓覺講成「搵周公/見周公」，既典雅又諧謔，但其實呢個咁通俗嘅詞語出自《論語》。
甚矣，吾衰也！久矣，吾不復夢見周公！
——《論語·述而》
注：周公系指姬旦，周文王嘅兒子，周禮嘅創(chuàng)制者，同時系孔子心目中嘅圣人。
用現代話語翻譯就系：
我真是老啦，身體唔掂啦！同埋已經很耐都冇夢見我偶像周公啦！
孔子自年青時就立志恢復周禮，晚上經常夢見偶像周公，但到咗老年自知理想無法實現，加上事務繁忙，淡化咗年少嘅夢想，就冇再夢見周公。
因此后人用「夢周公」一詞形容瞓覺，后來仲延伸咗「搵周公」、「見周公」嘅講法。
非禮
「非禮」同樣來源于《論語》，就系大家非常熟悉嘅——
非禮勿視，非禮勿聽，非禮勿言，非禮勿動。
——《論語·顏淵》
呢度嘅「非禮」系動詞+名詞，意思系不符合禮教嘅事，全句意思系：
唔符合禮教規(guī)定嘅嘢，不可以睇，唔可以聽，唔可以講，唔可以郁。
不過我哋依家講嘅「非禮」已經變?yōu)橐粋€動詞，經過意義引申，未經對方同意嘅輕佻猥褻，相當于普通話之中嘅“耍流氓”。
捉伊人
粵語嘅「捉伊人」就系人人細個都玩過嘅“捉迷藏”，入邊嘅“伊人”出自《詩經》，我哋每個人中學都背過嘅：
蒹葭蒼蒼，白露為霜。 所謂伊人，在水一方。
——《詩經·秦風·蒹葭》
?「捉伊人」雖然系孩童游戲，不過佢嘅來源就足見粵語嘅古雅文藝。
?
而廣東人為求響亮，經常將詞語讀音變調，所以「捉伊人」嘅讀音更貼近“捉依因”。
老而不
「老而不」，系香港用語，用嚟諷刺頑固執(zhí)著、倒行逆施、連累他人嘅老人家。其來源為——
幼而不孫弟，長而無述焉，老而不死，是為賊。
——《論語·憲問》
此句常被后世人誤用嚟歧視老者，但實際上孔子原意系指責舊友原壤：
年幼不講孝悌，長大又無作為，年老而又不死，一生好似“賊”一樣。
而“賊”唔系依家所講嘅小偷小賊，而系指為禍人間、毫無建樹嘅壞人。
香港人從原句截出「老而不」三字，隱藏嘅“死”字就說明講話者內心渴望呢位老人家快啲賣咸鴨蛋，所以大家都系慎用啦。
大陣仗
源自北方話嘅「大陣仗兒」，由于粵語冇“兒化音”，就變成「大陣仗」，最初系出自《紅樓夢》。
只這一個女孩兒，十分嬌養(yǎng)，也識得幾個字，見不得大陣仗兒，常在屋里不出來的。
—— 《紅樓夢》第八四回
?《紅樓夢》中嘅「大陣仗兒」系指大世面、大場面，粵語中嘅「大陣仗」擴大咗原意，指排場陣勢非常隆重。
大頭蝦
喺廣東，「大頭蝦」經常被用嚟形容一個人粗心大意、善忘懵懂。
而「大頭蝦」本名為羅氏沼蝦，系一種頭比身大嘅蝦，點解「大頭蝦」被用于指代粗心之人？
16世紀嘅《廣東通志》中曾經記載：
不曉事者曰大頭蝦。
明代理學家陳白沙曾撰《大頭蝦說》，入邊系咁樣形容「大頭蝦」：
甘美不足，豐乎外，餒乎中，如人之不務實者然。
由此可見，好耐之前，廣東人已經用「大頭蝦」形容外強中干，不務實而行為浮奢嘅人，后人由此引申為指一個人粗心大意、不動腦筋、不懂事理等。
雖然大頭蝦系嘅貶義詞，不過大頭蝦本身真的好好食，大家都系唔好歧視佢哋啦！
各位自己友，
你覺得以上邊個詞最有文化？
素材出自《香港粵語慣用語研究》、維基百科等
羊城網負責整理編輯
最新評論