如果你系一個土生土長嘅廣東人，食粵菜長大，咁阿咩就要問幾個問題啦！

Q：用咩腌米可以煲出一個靚粥底？

A：答案系用皮蛋來腌米！

Q：要做出好嘅芝麻糊，要加咩落去芝麻度一齊煮？

A：要加珍珠米！

Q：叉燒包是否松軟，點解又同天氣變化有莫大關(guān)系？

第三個問題嘅答案，就唔開估喇，想知道答案？就去睇下呢檔美食節(jié)目——

《食的秘密》

《食的秘密》系由HKTV出品嘅飲食節(jié)目，記錄香港多種著名嘅地道美食，從唔同嘅角度去解讀地道菜式喺廣東地區(qū)歷久不衰嘅原因。

每集嘅主持系城市電訊旗下嘅藝人，我哋熟悉嘅TVB面孔，全程粵語解說，保證同聲同氣，格外親切。

每集一個唔同嘅主題，有潮州菜、廣式點心、云吞面等，仲會搵相應(yīng)嘅專業(yè)廚師示范講解，一般一集講解三至四道菜式，保證節(jié)目嘅專業(yè)性。

每集長度20分鐘左右，差唔多系一餐午飯嘅時間，阿咩今個星期中午食飯都系靠佢度過~

作為一檔美食節(jié)目，首先值得推薦嘅系食物畫面。

拍攝食物時多數(shù)采用黑色背景加重點打光，突顯食物嘅原色，鏡頭感有較高水準，做到靜態(tài)精致，動態(tài)跳脫。

一粒云吞，一集就有三種唔同嘅形式表現(xiàn)，分別體現(xiàn)出云吞嘅皮薄晶瑩、松緊有致、飽滿充盈，望到都想食。

展現(xiàn)云吞皮嗰幕，簡直令強迫癥患者睇到身心舒暢！

烹調(diào)過程嘅鏡頭，好多時候采用快鏡、慢鏡切換，使得畫面具有沖擊性同趣味性，二十分鐘睇落嚟，唔會覺得悶，反而覺得好送飯！

如果齋系粵語主持同畫面兩點，肯定不足以推薦畀你哋，《食的秘密》最大嘅特點系，佢拍出咗兩個字——

講 ? ?究

以前睇云吞面，覺得只不過系普普通通嘅食物，但當你睇完個節(jié)目，你會發(fā)現(xiàn)簡單嘅食物，入邊包含咗好多心機同智慧，制造嘅精致同講究，甚至?xí)^好多貴價嘅食物。

選料到制作嘅講究就唔使多講，正宗嘅云吞面，連擺盤都十分講究，最底先系麻油、豉油，跟住系韭黃、云吞，然后系面，最后先到湯。

而入邊嘅云吞面師傅泰哥，出于從細對云吞面嘅喜愛，促使佢喺面廠面店學(xué)習(xí)二十幾年，從用料、刀工、煮法、樣樣講究，樣樣鉆研，堅持追求做出一碗好食嘅云吞面。

從一個小學(xué)徒到依家成為專業(yè)嘅云吞面師父，有自己自創(chuàng)嘅獨門秘方，賣云吞面賣到街知巷聞，可以話佢嘅一生都奉獻咗畀云吞面。

曾經(jīng)，阿咩以為煮粥系好簡單，只要放米放水就得，而睇完生滾粥嗰集，就完全唔系咁諗。

喺廟街開粥店嘅云姐，每日煮一次粥底，凌晨三點就要起身煲水，因為水滾要兩個鐘，然后煲粥又要兩個幾鐘，要早起先可以保證早上有粥可以供應(yīng)。

煮粥底九成時間要用猛火，師傅要每十五分鐘攪動一次，防止燒焦，粥底一焦就全部要倒咗，重新煲過，煮粥師傅除咗捱通宵，仲要面對百幾度高溫。

除咗粥底，煲生滾粥用嘅銅煲都好重要。云姐一般系雙料銅煲，煲身黃銅，煲底黃銅，傳熱極快，但造價貴，而且紅銅軟身，用幾個月就會損壞。

但系如果轉(zhuǎn)用其他煲，食材原味會流失，粥就唔會咁香甜，為保持生滾粥嘅質(zhì)量，云姐一直堅持用雙料銅煲，以上種種都系云姐對生滾粥嘅講究同堅持。

仲有一集系講粵式糖水，入邊有講到，想要芝麻糊夠滑，其中一個秘訣，就系用傳統(tǒng)石磨去磨漿。

因為石磨夠重，可以將芝麻徹底研碎，連芝麻皮都可以壓成糊狀，做出嚟嘅芝麻糊先又香又滑。

但系石磨磨漿，會多用好多時間，出于利益考慮，依家好多店鋪就會轉(zhuǎn)而選擇機器，傳統(tǒng)嘅工藝就系咁一步步失傳，先會有人感嘆：我哋再都食唔返以前嘅味道。

想知道廣州邊度可以食到以前味道嘅傳統(tǒng)糖水？

阿咩尋日就有推送——點先算老字號？糖水除咗甜味，仲要加啲人情味……

一個廚師同一間食肆應(yīng)有嘅質(zhì)素，應(yīng)該系對廚藝、食物嘅講究，而依種講究，正正就系飲食界依家最缺乏嘅嘢——工匠精神。

好多老店一開始都非常有熱情，探索出自己獨有嘅招牌菜式，贏得眾街坊嘅口碑，但后來，或者系因為向連鎖店轉(zhuǎn)型，或者系因為老一批人離開，新人水平不足，對出品唔再咁講究，水準漸失，最后就面臨倒閉清盤，成為大家唏噓不已嘅回憶。

阿咩并唔反對做飲食業(yè)都要講求經(jīng)濟效益，畢竟人哋要生存，唔可以下下抵食夾大件益街坊，有時候升價無可厚非。

但系作為一間飯店或者食肆，出品應(yīng)該要對得住價錢，如果可以提供穩(wěn)定水平嘅出品，有邊個會唔肯做你嘅回頭客同水軍？

如果連廚師同店主本身都唔認真對待自己嘅出品，咁啲食客又點會一直肯為你埋單？

作為一個食客，我哋可能未必了解到一道菜式嘅背后，廚師要花幾多時間同心機去煮，但系我哋會從味道感受到廚師嘅心思，所以先會對一間店、一道菜式情有獨鐘，難以忘懷。

最后就以節(jié)目嘅一句話作為結(jié)尾——

以最講究嘅態(tài)度，

尊重枱上最簡單嘅食物。

關(guān)于粵菜嘅傳承同講究，你有咩想講？

喺評論區(qū)留言，講講你嘅諗法！

?

PS：節(jié)目AB站有資源，大家明白啦！