有人話，今年系TVB劇集嘅復蘇之年，因為出現咗唔少題材新穎、質量唔錯嘅驚喜劇集，令人覺得港劇有望重回當年嘅輝煌。
咁快又到年尾，下星期就舉行臺慶，大家心目中嘅視帝視后人選系邊個？最佳劇集又系邊部？
?
▲TVB2016劇集評分對比圖
等我做個年終盤點，帶大家回顧下2016年TVB嘅劇集。
**本文僅針對2016期間于翡翠臺或高清翡翠臺播出嘅長劇集進行討論，不包括單元劇或其他頻道播放嘅劇集，
**而《致命復活》未播完，《流氓皇帝》下星期先開播，暫時唔納入討論范圍！
公公出宮
三個性格各異嘅真公公，同一個假扮公公嘅騙子陰差陽錯去到一個陰盛陽衰嘅女權村落，重新生活并拍拖結婚嘅故事。
咩話：
?
新年期間最好睇嘅劇，個人覺得好睇過前作《大太監(jiān)》（雖然兩部劇劇情冇乜關系），黎耀祥、陳國邦、曹永廉三個加埋百幾歲嘅大男人扮起乸型竟然冇違和感，令阿咩上癮咁一追再追，而且對白過癮又得意。
女性主角都塑造得好出彩，胡定欣、林夏薇、王君馨都演技在線，值得一睇！
EU超時任務
一個女警喺查案嗰陣死咗老竇，然后發(fā)現自己可以穿越時空，佢一次次回到過去，希望可以改變未來，除咗一次次經歷死老竇，佢仲慢慢發(fā)現案件背后嘅真相同陰謀。
咩話：
有段時間刷屏刷到非常犀利嘅一部劇，算系近幾年最好睇、劇情比較出人意料嘅TVB神劇，千祈唔好睇劇透，唔好覺得中間無聊就棄劇，最后幾集真系好精彩！
王浩信貢獻最令人印象深刻嘅角色，演技大爆發(fā)，依家嘅王浩信完全可以獨挑大梁，擔綱男主！
僵
七個明朝錦衣衛(wèi)同僵尸戰(zhàn)斗嘅時候，畀雷劈死…啊唔系，畀雷劈成“不死人”，然后同僵尸打咗幾百年，其中一個不死人后來愛上咗只僵尸，發(fā)生咗一段“唔知噏乜春”嘅狗血愛情故事。
咩話：
亂七八糟，充滿漏洞嘅劇情，五毫子都畀多嘅特效，莫名其妙嘅剪輯，仲有，謝安琪唔該你畀心機唱歌，畀心機同張繼聰生仔，得閑都唔好出嚟拍戲啦！不過謝安琪演技都可以完爆陳港姐！
成出劇唯一嘅亮點都系陳嘉寶飾演嘅小師妹！唔系為咗小師妹，阿咩會追落去，憨鳩！
一直有個問題想問，講到明嘅七個不死人，先出嚟五個，剩返兩個呢？去咗度假?。?/p>
火線下的江湖大佬
古惑仔退下火線，溝咗以前大佬條女，回歸平凡生活，從揸刀變揸鑊鏟。結果自己以前嘅大佬突然出獄，想東山再起，食大茶飯，古惑仔一家嘅生活不再平靜。
咩話：
阿咩見到陳煒同鄭則仕系一對夫妻，竟然唔覺得違和，可見兩個人演技之好，其他老戲骨如阮瓊丹、黃光亮、李成昌更加唔使講，可惜劇情太TVB，有啲普通，浪費咗一眾演員！
?
而岑麗香喺呢部戲入邊，演技雖然仲有進步空間，但系比起之前任何一部戲都要好，大小姐一角好可愛，阿咩對岑麗香好感驟加！
純熟意外
一個廿幾歲妹妹中意咗個大叔，表白之后發(fā)現個大叔系自己老竇，仲要喺個活咗幾百年嘅人……
咩話：
如果本年度有一個獎項評選套路玩得最好嘅電視劇，阿咩肯定投票畀佢，28集電視劇，兩個人曖昧咗十幾集，終于阿咩都接受咗呢對忘年戀，然后真相竟然系天下有情人終成父女?。?！
當時就想約個編劇出嚟暢談人生，呢個女主真系TVB史上最慘女主角，冇之一?。。。ㄆ鋵嵶鳛橐恢粏紊砉罚暧X得幾開心?。?/p>
一屋老友記
記錄咗住喺香港老唐樓嘅寶生一家嘅日常生活以及撞鬼故事。
咩話：
被譽為今年最好嘅港劇，TVB嘅救市之作，情節(jié)設定都系令人熟悉嘅港劇味道，令人回想起十幾年前嘅市井題材嘅港劇。題材涉及鬼魂，但系一啲都唔恐怖，反而透出種種溫情。
入邊有好多港劇熟悉嘅套路，好多時候都已經估到跟住嘅劇情點發(fā)展，但系就系令人忍唔住睇落去！
最老土最溫情嘅套路，往往觀眾最受落！
城寨英雄
男一男二嘅老竇全部死于非命，搞到九龍城寨冇人管治，黃賭毒橫行。多年之后，男一重回城寨，同男二聯(lián)手整理城寨，打敗惡勢力，期間順便大家拍個拖！
咩話：
阿咩當時一集都唔斷咁追曬，簡直系TVB今年最大嘅驚喜同良心劇，劇情有創(chuàng)意，大小角色塑造得好出彩，故事劇情熱血，打斗場面拳拳到肉，完全演員上陣實打，阿咩心目中嘅臺慶最佳劇集！
阿咩覺得前十幾集最好睇，完全唔會令人想快進，可惜中途開始劇情乏力，又系一堆TVB嘅套路，感覺有爛尾！不過，真系非常好睇，睇完之后陳展鵬成為我男神！
鑫鑫被強奸之后，胡定欣嘅爆發(fā)打戲重睇咗好幾次，王君馨嘅打戲都唔錯，王君馨死嗰集，簡直系想劈死個編??！
律政強人
講述咗一間律師樓啲律師，冇乜見佢哋上庭打官司，反而日日喺度明爭暗斗、爭權逐利嘅故事。
咩話：
一開始，阿咩以為佢系一部律政劇，后來先發(fā)現，佢其實系一部宮斗劇……
上庭啲戲加埋都冇兩集，啲主角日日就系度唔系吵交開片，就系猜疑算計，阿咩真系覺得有啲無語，唔系話香港系個法治社會咩……
評分主要系靠廖啟智同方中信撐起，佢哋兩個嘅對手戲都幾好睇，至于女主李佳芯，都系去做返奸角啦……
來自喵喵星的你
劣質翻版《鬼同你OT》，故事改為一個喵星人嚟到地球，幫助自己曾經嘅主人，同地球人發(fā)生各種瓜葛。
咩話：
典型嘅換湯唔換藥，仲要明明一樣嘅配方，拍出咗一部爛片，劇情漏洞都算，感覺好多場景都怕得好敷衍，一橋二用唔系咁噶！
成部戲話搞笑唔搞笑，話科幻唔科幻，一集40分鐘，尷尬5分鐘，剩低35分鐘快進。完全唔值得睇，睇咗幾集就棄劇啦?。ㄍ蝗话l(fā)現，今年陳豪出演嘅喜劇，都撲曬街~）
幕后玩家
3個性格各異嘅PR仔從并肩作戰(zhàn)嘅好兄弟，變到反目成仇嘅故事，男主為求上位不擇手段，眾叛親離，今晚大家一于睇下喪心病狂、毫無人性嘅世紀賤男秦升海會有咩結局？
咩話：
?
TVB首部關于公關題材嘅戲，系描寫公關行業(yè)背后嘅心酸同各人故事之外，同時穿插咗人性嘅思考。
每個角色都系活生生嘅社會人，善惡交集，你可能討厭一個角色，但系你冇辦法挑出角色嘅人設唔合理，因為社會上真系有咁嘅人存在，而且成出戲金句頻出，幾場沖突戲都好好睇，年末最大驚喜嘅港劇。
最鐘意反面之前三兄弟嘅日常吐槽互懟嘅戲份，真系好搞笑！秦升海系目前黃宗澤演過最黑暗嘅角色，差啲對黃宗澤脫粉！
以上就系阿咩對本年度最深印象嘅幾部戲嘅睇法，仲有其他劇集，就挑選部分嚟簡單講下，睇下邊——
其他劇集
《潮流教主》
海報抄襲雜志、造型抄襲老佛爺（卡爾·拉格斐）、劇情設定抄襲日劇，仲要抄得非常山寨同廉價！
《愛情食物鏈》
劇情一般，小儀配陳智燊，金剛配高海寧，只要你覺得畫面可以接受，就可以去睇！
《巨輪2》
評分可以從第一部嘅7.8去到第二部嘅5.5，質量直線跳水，已經冇咗第一部嘅時代感，反而成為狗血大雜燴。
（同埋，究竟沖繩畀咗幾多錢你哋打廣告，仲有《僵》都拍到成部新西蘭旅游節(jié)目咁?。?/span>
《完美叛侶》
前半部分會平淡拖沓，可能睇唔落去，不過后邊開始好睇，會引起對夫妻、家庭嘅反思，會覺得入邊嘅角色多少有啲自己嘅影子。
（邵美琪最近主演嘅電視劇都唔錯，比如《刀下留人》。）
《愛·回家之八時入席》
阿咩冇追，所以就唔寫個人評價啦，評分同口碑都唔錯，應該可以睇下。
《警犬巴打》
劇情一般，不過演員表演真系幾搞笑，不功不過，如果你同阿咩一樣，想睇黃宗澤同鐘嘉欣終于HE，不妨睇下呢部解悶，仲有，巴打真系超可愛！
《鐵馬戰(zhàn)車》
男女主角都系TVB嘅長年綠葉，劇情唔錯，袁偉豪個無賴樣超抵死，男女主角嘅愛情線幾甜蜜，值得一睇！
（提示：建議跳過蔡港姐嘅戲份?。?/span>
今年嘅TVB同往年唔同，多咗好多可以追、值得追、想去追嘅好劇，劇本質量有所提高，TVB都唔會盲目捧殺新人，開始畀機會一眾曾經嘅綠葉演員挑起大梁，加上請返啲老戲骨一齊拍戲，TVB劇集往好嘅方面發(fā)展。
不過呢啲好劇之中，有唔少存在住問題，比如故事線混亂，亂剪輯造成劇情莫名其妙、過半之后劇情后繼乏力、TVB嘅常用套路泛濫等。
以上問題系人才凋零、市場環(huán)境唔好、內部爭斗等原因共同造成，說明TVB劇集離真正嘅復活，仲有好長一條路要行，特別系國產劇、韓劇、日劇、美劇重重夾攻下，TVB嘅路一啲都唔好行。
無論點，阿咩都會繼續(xù)追TVB劇，陪住佢行落去，期待來年TVB有更多好劇啦！
*本文僅代表個人意見，畢竟睇劇呢家嘢，自己鐘意嘅話，得3分都覺得好睇！一出劇就好似榴蓮咁，有人覺得香，都一定有人覺得臭…..
我知道對于某啲膠劇，膠演員，
好多自己友都想用力吐槽！
唔緊要，阿咩江湖人稱
?
“知心寶寶小公主”
?
即管搵我吐槽！
不過如果你要吐槽黃宗澤，
唔該等我睇埋今晚《幕后玩家》大結局先！
本文由羊城網原創(chuàng)
特此聲明
最新評論