?尋晚《幕后玩家》終于大結局，世紀賤男秦昇海以為自己可以操縱一切，最后都系畀人毒死，二十分鐘嘅戲份結束咗自己嘅一生。
咁嘅結局，大家都唔會覺得可惜，因為大把人都想佢死，而且按照TVB懲惡揚善嘅套路，奸角最后都唔會有好下場（包括最后畀人捅死嘅顧成雙），秦昇海壞事做盡，絕對唔會有好結局。
尋晚盤點2016年TVB劇集嘅時候，阿咩就講過，秦昇海系黃宗澤演藝生涯之中，目前為止最黑暗最人渣嘅角色。
未睇嘅自己友可以點呢度?今年睇TVB，你遇過幾多驚喜，踩過幾多地雷？
而就喺幾年前，黃宗澤出演過另一個反派角色，當時獲得無數好評同大量觀眾追捧，嗰個就系《潛行狙擊》入邊嘅蘇星柏（跛Co），明明系同一個演員，兩個反派角色收獲嘅評價完全系天壤之別。
?
?
所以，今日就嚟傾下蘇星柏與秦昇海！
蘇星柏
有幾多人系因為跛Co哥而中意上黃宗澤？坦白講，阿咩就系其中一個。
喺阿咩心目中，反派角色分幾種，其中一種系三觀扭曲、衰到貼地，基本上一見到佢嘅戲份就想打人，仲有一種系奸得非常有魅力，點都憎唔起身，甚至令愿主角死都唔想佢死。
好明顯，蘇星柏屬于后者。
出身富人之家，因為家道中落而不得不出嚟行古惑，啱開始風生水起，就畀人暗算，跌落谷底，仲畀人打跛只腳，畀女朋友拋棄，變成一灘地底泥，任人欺壓。
?
面對自己嗰個白癡又憨居嘅“大佬”，要示弱低頭，基本上罵不還口，打不還手。
?
?
當我哋睇到后面，會發(fā)現蘇星柏并唔系真系咁頹廢，佢只系一直忍辱負重，暫時收斂自己嘅鋒芒，等緊一個可以令佢翻身嘅機會。
喺跛Co頹廢期間，有時候不經意展現自己嘅真正面目，有一場戲就系佢被激到真正發(fā)火，一個眼神就可以震懾全場。
比如，設計偷四喜嘅賬簿，一邊扮得又驚青又膽小，向四喜示弱，騙取信任——
轉頭嘅表情已經完全唔同，成個人冷靜從容，勝券在握——
后來，跛Co既同Laughing哥合作，又同時歸順于辣姜同威利，喺三方之間游走，喺唔同角色之間轉換，但其實佢從來冇信任過任何一方勢力，只系想借用三方勢力幫助自己上位。
同三方勢力交鋒都可以做到游刃有余，從容不迫，可見，跛Co唔止有野心，仲有可以實現自己野心嘅才智同頭腦，單憑呢點，佢嘅段位就比一般反派要高好多。
?
?
既然作為反派，跛Co身上就肯定會有反派嘅標志性特質：為求目的不擇手段、心狠手辣、貪婪殘暴。
放火之后，可以面帶笑容、若無其事咁影相
設計報復當年打跛自己嘅威利，以牙還牙將佢只腳碾斷嘅時候，狠毒嘅眼神令人難忘
但跛Co身上又有其他黑社會反派冇嘅特質，由于出身良好又受過教育，跛Co身上總會有一種文人特有嘅儒雅同格調，所以被譽為有史以來港產警匪劇之中檔次最高、最有格調嘅黑社會大佬，令呢個角色魅力大增。
?
當然，最令跛Co受女性觀眾歡迎嘅一點，莫過于佢對姚可可嘅一往情深同矢志不渝。一個聰明有腦、霸道情深嘅黑社會大佬，邊個女人可以拒絕？
毫無疑問，跛Co系黃宗澤塑造得最成功最精彩嘅角色，亦都系阿咩心目中，黃宗澤演技嘅巔峰，入邊有一幕戲非常難忘——
有一場戲，跛Co畀威利侮辱，被迫舔鞋底，一開始畀人冤枉，畀“大佬”刮嘅時候，跛Co首先系驚愕同呆滯。
跟住轉為憤怒同不忿，表情變得狼毒，但系嗰時嘅佢，畀人踩到上心口都只可以啞忍，所以唯有嘴唇微微郁咗幾下，但忍住唔出聲。
舔完鞋底，仲要畀人問好唔好味，跛Co最后一聲嘅咆哮回答令人震撼，此時佢受盡屈辱，眼神充滿悲憤同仇恨。
因為呢次屈辱，佢先下定決心，爭權上位，東山再起。呢下振聾發(fā)聵嘅咆哮，正正預示咗跛Co正式告別落魄時期，開始蘇醒同崛起。
整個過程嘅情緒積聚、過渡、到最終爆發(fā)，黃宗澤都處理得非常好，毫不做作，令觀眾真系感受到跛Co嘅心路變化。
成部《潛行狙擊》，黃宗澤將跛Co嘅鋒芒初露、落魄頹廢、復仇崛起、奮斗上位、落敗身亡五個階段都演得非常好，難怪有人感嘆，跛Co就系黃宗澤嘅另一個靈魂。
秦昇海
作為一個男主角， 秦昇海都算特別，因為從中段開始，佢嘅作用同行為簡直等同于一個世紀大反派，越到后邊，越乞人憎，個個觀眾都想佢死（阿咩身邊追劇嘅人基本上都系咁諗）。
其實，秦昇海同蘇星柏有唔少類似嘅地方，一樣都系受過良好教育，聰明醒目，識得睇人眉頭眼額，城府極深，心計又重，見到機會就上位，做起大事陰險毒辣，不留情面。
最重要一點，兩個人都好忍得，好識掩飾自己！
但系點解跛Co就咁受歡迎，秦昇海就畀人鬧到撲街？究其原因，秦昇海輸畀跛Co嘅不外乎以下幾點：
虛偽到令人發(fā)指
作為一個公關，秦昇海對待客戶表里不一其實都系正常，但系秦昇海對自己嘅家人同朋友，都一樣咁表里不一。
?
明明自己老婆系個好到加零一嘅賢妻良母，竟然都要出去包二奶？
?
呢頭同屋企人參加生日會，仲系一副謙和溫柔嘅好先生形象，道別之后，即刻露出唔耐煩嘅表情，將蛋糕掟去垃圾桶。
利用完其他人之后，就毫不留情咁踢開佢哋，仲要繼續(xù)喺自己朋友面前扮出一副假仁假義嘅樣。
▲真正嘅皮笑肉不笑
秦昇海表面上系一位面面俱到嘅好先生，實際上佢系殘酷不仁、貪婪薄情嘅偽君子，仲要呃曬身邊所有人。而跛Co再猜忌其他人，都起碼對姚可可有真情，對爆登講義氣。
?2
毫無人性同底線
跛Co再心狠手辣，都仲有少少良心同底線，唔會禍害老人家。
而秦昇海自從阿媽死咗之后，就開始泯滅人性，首先最令觀眾氣憤嘅就系傷害Carmen：喺飛機上嘅對話，同埋后來故意喺咖啡廳激Carmen兩段戲，簡直激到觀眾當場拍枱。
害死阿Ted之后，唔系愧疚，而系覺得唔抵，因為阿Ted嘅死阻斷咗佢入復生嘅路。
更加唔好提，后來兄弟反面，迫害自己嘅兄弟同家人，越睇后邊越覺得，秦昇海沒有最渣，只有更渣。
秦昇海系一個典型嘅利己主義者，除咗自己，從來冇真正在乎過其他人，一個冇弱點冇短板嘅反派，往往系最恐怖、最令人心寒。
?
3
冇做壞人嘅合理理由
任何一個反派角色嘅黑化，都應該有一個合理嘅理由，好似跛Co咁，佢家道中落，畀人陷害，仲要被迫舔人鞋底，加上佢系一個古惑仔，選擇上位做大佬都系合理嘅。
再比如《致命復活》嘅韋逸昇，畀人害到囚禁孤島十年，家庭事業(yè)全部冇曬，仲被認定為死亡人口，佢黑化報復害佢嘅人都系合理。
但系秦昇海黑化到冇人性嘅理由系咩？
做記者報道真相畀人打？畀人一再打壓，覺得心有不甘？定系畀啲高傲嘅有錢人侮辱，覺得不忿？
?
以上理由都唔夠充分，唔可以令觀眾信服，因為秦昇海就算再多呢啲挫折，佢本身系家庭美滿、事業(yè)順利、朋友和睦，比起好多人都幸福，點解仲要一手一腳破壞自己所有嘅幸福，去爭權逐利？
?
?
或者真系秦昇海呢個角色本身嘅設定，對名利同地位非常執(zhí)著，不惜犧牲一切都要追求更高嘅利益，但系一個咁自私自利嘅角色，點會有觀眾中意？
唔通編劇只系顧住寫秦昇海有幾衰，冇顧及到解釋點解佢要變到咁衰？
4
全世界就得你一個咁衰
《潛行狙擊》入邊，好多角色嘅毒辣、無情程度，同跛Co都差唔多，就算系主角Laughing都成日踩界，個個人都咁狠毒，唔系你死就系我亡，所以跛Co嘅以暴制暴、以牙還牙就顯得合理。
?
而《幕后玩家》里面，狠毒嘅只有秦昇海。
?
?
顧成雙、顧成勛、Philip做嘅衰嘢都比唔上秦昇海一個人，而且佢地起碼都有底線，顧成雙會為阿Ted報仇，顧成勛在乎自己阿媽，其他角色更加都系好人。
就秦昇海一個大衰人，觀眾唔討厭你，討厭邊個……
秦昇海同蘇星柏最大嘅區(qū)別在于：
蘇星柏：我知我做嘅事系壞事，但系我就系要做，冇人可以阻止我。
秦昇海：你哋覺得我做嘅壞事咩？但系我嘅選擇系正常啊，系情有可原啊，做人都系咁噶啦！
喺演繹秦昇海呢個角色嘅時候，黃宗澤經常展現佢嘅兩種狀態(tài)——
一種系喺人前，扮出一副善良溫厚、老實無辜嘅好好先生樣，令人覺得佢真系一個好人，呢個系秦昇海畀其他人睇嘅皮囊。
▲就算不懷好意，都要一副苦口婆心嘅樣
另一種系喺人后，佢陰沉自私、冷酷無情嘅真正面目，每一個表情都充滿對他人嘅怨恨，對權力利益嘅極度渴望。
當時喺接呢個角色嘅時候，黃宗澤本人都覺得疑惑，追問監(jiān)制呢個角色有冇必要寫到咁衰嗎？
監(jiān)制回復佢：“你唔會以為世界上冇呢種人啊嘛？只系大家因為道德觀而唔敢去想象，但系佢的確存在。”
有啲角色你未必會中意，可能就系因為佢反映你最唔想面對嘅現實。
可能你好似我咁，未必中意秦昇海，但系就系情不自禁咁追完《幕后玩家》，因為佢的確系一部值得睇嘅港劇。（雖然我真系想講，結局好爛?。?！TVB又一部爛尾之作！）
最后，都系嗰句，本文僅代表個人意見！祝大家周末愉快！
關于秦昇海同蘇星柏呢兩個角色，
各位自己友有咩睇法？
系中意到爆，定系討厭到死？
留言同大家分享下！
本文看點由羊城網原創(chuàng)
部分圖片素材來自黃宗澤貼吧
相關閱讀：
最新評論