下星期，廣州地鐵就會有幾條新線路開通，下邊呢張圖又會更加豐富啦！

上世紀(jì)50年代末，時任廣東省省長陳郁最早提出籌建廣州地鐵，60年代開始進(jìn)行規(guī)劃勘測，30幾年之后，1999年廣州第一條地鐵——廣州地鐵1號線先正式開通運(yùn)營，從此，廣州地鐵陪我哋走到依家。

而廣州地鐵又有個昵稱叫羊角，因為地鐵本身標(biāo)志好似一對羊角。

廣州地鐵開通整整18年，比我仲大（冇錯，阿咩今年16歲！），所以阿咩今日對廣州地鐵有啲嘢不吐不快。

1.羊角地鐵奇葩站名

?

第一類：呃鬼食豆腐，根本就冇呢個地方！

?

【飛翔公園】——系咪覺得嗰名好好聽，其實根本就冇呢個公園，嗰度得片荒地！

?

【萬勝圍】——你以為真系有條村叫萬勝圍啊，唔好意思，其實系羊角生安白造，“萬勝圍”仲要系解放前一個地主對自己嗰幾十畝地嘅命名！

?

第二類：合體站名，問你服未！

?

【嘉禾望崗】——二號線北端終點站，位于白云區(qū)嘅嘉禾街道同望崗村交界處，為咗唔得罪兩邊，直接將地鐵名合體為嘉禾望崗！

【京溪南方醫(yī)院】——由于地鐵站臨近京溪村同南方醫(yī)科大學(xué)嘅南方醫(yī)院，將兩個唔喇更嘅名又合埋一齊！你咁做問過長安女子醫(yī)院未?。。?/p>

【三溪】——由于地鐵站周圍有宦溪、石溪、蓮溪三條村，建成地鐵站嘅時候，三條村對命名問題互不相讓，最后干脆合成為“三溪”站，大家都得個吉！

第三類：改個字有咁難咩？

?

【西朗】——附近系西塱村，原定站名為西塱，由于當(dāng)時電腦字庫冇“塱”呢個字，就使用“西朗”，后來字庫更新咗之后，官方就以成本為理由唔肯換名啦！

?

第四類：我都唔知講咩好！

?

【團(tuán)一大廣場】——原定名系越秀南站，由于共青團(tuán)第一次大會喺附近召開，有舊址，但系并冇廣場，后來竟然無啦啦要更名為“團(tuán)一大廣場”，為咗呢個名特登起咗一個團(tuán)一大廣場，問你服未！

2.地鐵日日塞夜夜塞

大家都知道，世界上有條巷，叫少林寺木人巷，系少林寺武道嘅最高試煉，只有通過者先可以叫正式嘅少林「護(hù)寺僧兵」。

而世界上，都有條線，叫廣州地鐵三號線，系每個廣州人嘅終身噩夢，除咗凌晨6點同深夜11點幾，其他時間都未見過佢少人，每個乘客都懷疑廣州市政府一直謊報人口總數(shù)！

而世界上，又有個站，叫“地獄”西路，每日都可以見識到浩瀚嘅千軍萬馬，真正嘅血肉長城，我嘅一身金鐘罩鐵布衫、籃球內(nèi)線技術(shù)、自動導(dǎo)航功能都系喺呢個站練成！

?

?

每日，喺廣州地鐵各大院線都不斷循環(huán)播放由700萬廣州市民（壯士）傾情出演嘅大片——《崗頂圍城》《決戰(zhàn)小蠻腰之巔》《珠城大冒險》《客村兇靈》《淪陷公園前》《生化火車東站》《廣佛大戰(zhàn)僵尸》《獨闖昌崗迷陣》《絕命體育西》《楊箕總動員》《滘口迷航》……

目前，廣州地鐵總長277.5千米，只系北京、上海嘅一半，但每日要承受700幾萬嘅客流量，只比北京上海少100幾萬，可見，廣州地鐵一啲都唔比北京上海輕松。

造成地鐵日塞夜塞嘅原因，有一部分系廣州天氣唔同北方，比較適宜出行，而市民普遍選擇價格實惠嘅地鐵，加上廣州系南方最大嘅批發(fā)市場、商品集散地，通勤人數(shù)加劇咗人流。

?

但系最根本原因系當(dāng)初規(guī)劃地鐵嘅時候，相關(guān)部門對人流預(yù)計嘅嚴(yán)重失準(zhǔn)，冇預(yù)計到地鐵路段樓盤發(fā)展速度之快，人口暴漲。

?

除咗1、2、8號線，其余地鐵線嘅列車車廂較窄、每組數(shù)量又少，地鐵車廂容量不足系造成地鐵運(yùn)力差，地鐵日日塞人嘅最大原因。

3.換乘一次挪人命！

除咗人多，羊角地鐵部分換乘站簡直恐怖到令人發(fā)指！

萬里長征式換乘——楊箕、黃沙、西朗

迷宮式換乘——客村、珠江新城、體育西路

最良心嘅換乘——公園前

根據(jù)阿咩查資料所得，特別變態(tài)嘅換乘站，通常都系因為地鐵站最初規(guī)劃同實際執(zhí)行不符。

比如楊箕，原先一號線五號線嘅換乘站應(yīng)該喺東山口，后來改為楊箕，楊箕原來嘅結(jié)構(gòu)根本唔適合做換乘站，就搞到要開一個新出口另外連接六號線。

4.地鐵站越嚟越冇特色

90年代中期興建一號線嘅時候，站臺設(shè)計采用一站一景，所以一號線嘅每個站裝修材料都唔同，比如烈士陵園系大理石、陳家祠系花崗巖等。

由于各站采用大量唔同嘅材料同燈飾，令到地鐵站嘅成本增加，對維護(hù)造成負(fù)擔(dān)，后來興建二、三、八號線嘅時候，廣州地鐵就改為一站一色。

所以地鐵站裝修風(fēng)格一致，但系墻體顏色唔同，比如崗頂站嘅顏色就系青綠色。

我哋會睇到二、三、八號線好多站名都系唔同嘅書法字，咁系因為廣州地鐵為咗令每個地鐵站有特色，曾經(jīng)征集過唔同書法家嚟寫地鐵嘅站名。

唔同特色嘅書法既可以彰顯傳統(tǒng)文化特色，又令到乘客可以區(qū)分每個地鐵站。

不過呢個咁有意義嘅活動，冇幾耐就中止咗。據(jù)說系怕有人為咗留低自己嘅墨寶而走關(guān)系，廣州地鐵干脆放棄咗書法字嘅方案。

由于一站一色嘅長期運(yùn)用，調(diào)色板嘅顏色基本用曬，如同使用相同顏色可能會令到乘客認(rèn)錯，5號線之后，所有嘅新地鐵線改為一線一色。

一線一色就系指一條地鐵線上所有站臺都系一種裝修風(fēng)格，一種顏色，就系站名唔同，比如六號線，就完全冇任何特色同生機(jī)，令人覺得死氣沉沉。

從一站一景，到一站一色，再到一線一色，雖然系越嚟越慳錢慳力，維護(hù)成本大大降低，但系咁樣廣州地鐵站系咪越嚟越冇特色、越嚟越冇誠意，咁樣地鐵站仲點成為呢個城市嘅門面？

5.冇廁所……

講真，將呢點放喺后邊，唔系因為廁所唔重要，而系廣州地鐵已經(jīng)訓(xùn)練到我唔在乎有冇廁所，反正上地鐵之前都會先去個廁所……

雖然話就話廣州地鐵沿線90%覆蓋洗手間，不過經(jīng)過阿咩親身體驗，好多自建廁所就好偏僻，只喺某個出口，公共廁所又都要出站先可以去，其他廁所就更加唔使講啦，就系啲商場或者公園嘅廁所。

如果坐羊角地鐵嘅時候，人有三急嘅話，就真系好考驗?zāi)銌棠土瞺~

?

雖然上邊將廣州地鐵踩到地底泥咁，

不過其實廣州地鐵都有好多優(yōu)點嘅！

6.中國地鐵收車最遲

廣州地鐵嘅服務(wù)喺全國地鐵之中，都算系業(yè)界楷模，有口皆碑。

廣州地鐵喺中國地鐵之中收車最遲，而且喺好多大型節(jié)日，如圣誕、元旦等，都會延遲收車，服務(wù)大眾。

雖然廣州地鐵日日都塞人，不過主要線路嘅發(fā)車密度比北京上海都高，通常都系2-3分鐘一部（八號線同廣佛線就稍微耐咗啲）。

廣州地鐵微博微信發(fā)布信息都好及時，包括人流嘅控制啊，站口開放等，而且仲開通咗微信購票、閃付進(jìn)站等等。

7.三語報站全國僅此一家

羊角地鐵系全國唯一一家三語報站嘅地鐵，分別系普通話、粵語同英語。羊角地鐵嘅報站聲好好聽，普通話唔會太過官腔，粵語又唔系生硬嘅電子音，令每個廣東人倍感親切。

而且粵語報站并唔系生硬照搬國語，而系經(jīng)過翻譯，比如「請在此站下車」讀成「請喺哩一站落車」，「請站穩(wěn)扶好」讀成「請企穩(wěn)扶好」。

呢度就不得不講下羊角地鐵嘅配音員：

廣州地鐵粵語同普語男聲——李喆

李喆系本土獨立樂隊ProjectAce制作人同貝斯手、廣州跑酷團(tuán)隊CitySpanker嘅創(chuàng)始人，接觸配音十幾年，經(jīng)驗豐富。

廣州地鐵粵語同普語男聲——郭德欣

郭德欣除咗系配音導(dǎo)演，仲系廣州廣播電視臺節(jié)目主持人，地鐵通廣州塔嘅播音員，甚至仲為千頌伊、高圓圓、喜羊羊配過音。

阿咩講咗咁多，

唔知大家日日搭羊角地鐵，

對佢又有咩睇法，系贊多定彈多？

留言同大家分享下！

素材出自廣州地鐵、知乎、南都等

羊城網(wǎng)負(fù)責(zé)整理編輯