摘要：今日同老友行咗轉(zhuǎn)北京路。同大部分廣州仔一樣，我好憎北京路，好多人、好逼、好吵！而我嚟，只不過系因為“路過”。閑計之中，同老友傾到“最廣州”嘅美食。有人話“艇仔粥”，有人話“叉燒”，有人話“白切雞”，都有人話“炒牛河”。雖然佢哋講嘅，我全部都中意食，但系講到“最”，我只有一個回答：牛雜。
?
2017年 ?1月14日 ?星期六 ?雨
?
今日同老友行咗轉(zhuǎn)北京路。
?
同大部分廣州仔一樣，我好憎北京路，好多人、好逼、好吵！而我嚟，只不過系因為“路過”。
?
閑計之中，同老友傾到“最廣州”嘅美食。有人話“艇仔粥”，有人話“叉燒”，有人話“白切雞”，都有人話“炒牛河”。
?
雖然佢哋講嘅，我全部都中意食，但系講到“最”，我只有一個回答。
?
牛雜。
PS：上文為本人日記原文，有不少錯字，望諒解。
吵—嘈 ?計—謁 ?中—鐘
”
?
正好，近排都收到唔少自己友嘅意見。
?
?
講起牛雜，佢嘅起源一直有好多爭議，說法都好多，有人話系“祭祀農(nóng)神”嘅習俗、有人話系“白牛仙女七星巖”嘅神話傳說…
?
而起源地都一樣眾說紛紜，有山東、有湛江、仲有唔知邊度嘅一條古村…
?
牛雜喺廣州興起，我認為呢個說法比較有說服力：
?
清末民初，廣州回族人主要聚居喺東起大南路南勝里，西迄光塔路、惠福路一帶，回族人經(jīng)營嘅食肆經(jīng)常同族外人嘅飯館犬牙交錯。
?
當時，四牌樓有一間利棧茶居。一個叫阿德嘅外省回民，初來廣州，去到利棧食唔到牛肉。族外老板信關帝，因為關帝臉色通紅唔食牛肉，佢就呃阿德，廣州人都唔食牛肉！
?
?
后來阿德了解實情之后，為爭口氣，阿德留喺廣州，喺利棧正對面開咗間店，取名“牛香”，首創(chuàng)鹵水牛雜，前所未有，而且風味獨特，所以客似云來。?
?
?
曾經(jīng)有外省朋友問我：“為什么你這么喜歡吃牛雜？”
我諗咗下，一時間真系答唔到呢個問題，只不過，我又真系好鐘意食牛雜！正如上面嗰位自己友講嘅“掃街必食”，但唔同嘅系，我唔鐘意“掃街”。
?
掃街：比喻，指到處吃街邊小食。
?
?
又回想起過往二十年，有時一年半載先食一次燒鵝；過節(jié)生日先食一次雞；雖然經(jīng)常飲茶，但都唔系次次想食蝦餃干蒸糯米雞。唯獨是牛雜，唯一系我經(jīng)常食，又經(jīng)常想食，而且食極都唔厭！
?
?
小學、初中、高中，無論學校有幾多個校門，校門口都梗會有一個“牛雜阿姨”或者“牛雜阿伯”。佢哋推住部“走鬼車”（或單車），每逢放學就會嚟到校門口擺檔。
?
?
阿姨阿伯風雨不改，日日準時。而更加風雨不改嘅系，牛雜檔肯定會堆滿為食嘅學生哥！
?
好多老友都問我：”你咁了解廣州，一定知道邊度嘅牛雜好食啦！“
?
云吞面去寶華，腸粉就去銀記，魚皮就陳添記？
?
呢啲都系廢話，我當然唔會同你講呢啲啦！
?
?
但系好抱歉，我冇辦法話畀你知，邊度牛雜好食。唔似云吞面同腸粉，牛雜好唔好食，并冇一個多數(shù)人認可嘅標準。
?
有人鐘意牛雜配搭混醬，有人鐘意牛雜加上咸酸；（混醬：海鮮醬、辣椒醬、番茄醬、甜醬的相互配搭）
?
?
有人鐘意牛筋入口即化，有人鐘意牛筋軟糯帶勁；
?
有人鐘意蘿卜爽口清甜，有人鐘意蘿卜煮爛入味；（煮爛入味：即蘿卜不用牙齒咬，用舌頭和上顎輕輕一壓，蘿卜便散開，滲出牛雜香味）
?
雖然我唔可以話畀你知邊度牛雜好食，但我可以話畀你知：點樣嘅牛雜先值得食！
與公司附近某牛雜大叔對話：
?
大叔：……我唔敢話我啲牛雜好正，但系一定足料足味！
?
我：梗系啦，梗系啦，如果唔系我都唔會成日嚟買啦。
（呢位大叔好串…）
?
大叔：嗱，教精你啦，牛雜好唔好食，一眼就睇得出噶！
?
一睇煲，煲牛雜就好似沖茶咁，牛雜煲得耐，煲得多，個煲面一定有一層深色嘢噶，個煲新凈嗰啲，一定煲得少！
?
二睇火，睇下佢用煤爐定用炭火，完全唔同味??！
?
三睇手勢，老板串牛雜剪牛雜唔熟手，搞到啲牛雜舊大舊細，好食極都有限啦！
?
僅代表大叔意見，
雖然我十分贊同！
?
最后補充本人一點意見：
牛雜喺廣州興起超過百年歷史，“市井美食”自然要喺“市井”尋找。如今通街都有嘅“X狀元”、“XX牛雜”，好唔好食，見仁見智。北京路、文明路某一啲小巷里面，我相信你會搵到驚喜！
?
具體位置
▼▼▼
私聊羊城網(wǎng)阿咩（微信：gznffans）
留言【搵食】
阿咩會拉你入群，成為
【為食自己友】
大把搵食咨詢等緊你！
圖片來源于網(wǎng)絡
最新評論