?

今日，同羊城網(wǎng)編輯部幾位同事討論一個問題：

真正嘅“燒味至尊”系咩？

?

阿咩：“梗系蜜汁叉燒啦！幾十年來一直都喺我哋張飯枱上面！論材料，雖然只系五花肉，但系無論從醬汁、腌制、做法都相當考究；論情懷，幾多廣東人從細開始食叉燒，食到兒孫滿堂！”

小沅子：“白切雞都幾好啊，雖然嚴格嚟講唔算燒味，但系下至街邊小飯店，上至五星級酒店，都肯定會有味白切雞！而且‘無雞不成宴’，咩場合都唔少得一只雞嘅！”

阿爆：“燒味至尊，我覺得燒鵝當之無愧！咩材料咩做法都唔講，凈系講一個‘情’字，加入有客人嚟我屋企食飯，去斬料，我覺得斬只燒鵝會顯得尊重啲！勢利小小，斬叉燒、白切雞，就系‘普通朋友’；斬燒鵝，就系‘手足’咯！”

PS：以上純屬三人主觀意見，

不喜勿噴，要噴去第度噴！

廣州人對燒鵝絕對唔會陌生，雖然家常便飯好少會食燒鵝，但系每逢喜慶宴會，燒鵝幾乎就系必備嘅一道菜！

?

清明時節(jié)，拜山祭祖，“拜山三寶”之一嘅燒鵝更加系必不可少！所以俗話講“太公分豬肉”，其實分嘅唔止乳豬同燒肉，仲有燒鵝。

?

拜山三寶：乳豬、燒肉、燒鵝。

?

 

講起燒鵝，“深井燒鵝”唔可以唔講。而“深井燒鵝”嘅起源地一直都有爭議，所以暫不討論。

?

“深井”，唔系地名，而系做法。喺地上挖一個坑，睇起身就好似一口井，底堆木炭，吊喺“井”里面燒。由于井周圍嘅泥土密不透風，令爐溫更加均勻穩(wěn)定。

?

深井燒鵝

深井燒鵝

?

深井燒鵝嘅起源雖然存在爭議，但系根據(jù)歷史記載，燒鵝系源自于燒鴨。

?

早喺明朝時期，北方有兩種燒鴨全國聞名，一系“金陵烤鴨”（用長叉穿起來燒），另一種就系“北京填鴨”（掛在爐里面燒）。最初嘅燒鵝，系模仿“金陵烤鴨”嘅方法。

?

金陵烤鴨

北京填鴨

但系由于產(chǎn)量過低，所以到咗清朝，一個廣東新會古井鎮(zhèn)嘅廚師，嘗試使用“北京填鴨”嘅做法，結(jié)果燒出嚟嘅燒鵝，外表色澤金紅，味道濃郁，非常好食。于是就有咗“古井燒鵝”呢個名堂！

?

古井燒鵝：有記載的歷史最悠久的燒鵝，源于廣東新會古井鎮(zhèn)。距今700多年歷史，有正宗燒鵝之稱。

?

燒鵝源自于燒鴨，而且鵝同鴨體型相近，形狀都相似，唔少人都將燒鵝、燒鴨撈亂曬。有啲燒臘快餐店利用咗呢一點，明明系燒鴨，就當成燒鵝出售，如果唔系“資深食家”，一時間都難以分辨。

?

一時難以區(qū)分的燒鵝和燒鴨

雖然燒鵝同燒鴨喺制作工藝上，確實相差唔大，但系對于“識食”嘅廣州人嚟講，燒鵝同燒鴨何止相差一兩個級數(shù)！

?

差別一：汁水

燒鵝干爽，但食落唔會覺得干身。燒鴨拖汁帶水。

?

差別二：肉味

燒鵝肉厚濃郁，燒鴨會有一種“騷味”。

?

差別三：肉質(zhì)

鵝肉密度高、紋理較粗，結(jié)實有彈性；鴨肉比較單薄。

?

差別四：頸長

鵝頸長約一尺，鴨頸較短，約4寸。

?

 

大家嘗試判斷燒鵝和燒鴨

?

差別五：髀長

鵝髀一般會長過鵝屁股；鴨髀則短過鴨屁股。

?

差別六：毛孔

鵝嘅毛孔較大，鴨嘅毛孔比較細。

?

除咗以上型、味方面嘅差別之外，燒鵝同燒鴨仲有一個最主要嘅差別，價錢！基本上無論咩時期，一只燒鵝嘅價錢，都大約系一只燒鴨嘅2、3倍以上（所以若然見到十幾二十蚊一個燒鵝髀飯，大家心照喇）。

?

?

燒鵝燒鴨有咁多差別，都希望各位自己友以后買燒鵝唔好再買錯，畀人昆喇！

?

至于，燒味至尊究竟系叉燒、白切雞、燒鵝，呢個應(yīng)該由各位自己友決定！

?

你心里面嘅“燒味至尊”？

講出嚟畀大家評下理啦！