最近TVB臺慶劇《夸世代》開播，

講真，當我睇完第一集，

乜鬼劇情人物關系都唔記得，

我剩系知道，

八婆克星、婦女之友陳豪又返嚟啦！

第一集陳豪雙叒叕被色誘，

秘書Annie打開恤衫將成枝香檳由頭倒落心口，

畫面香艷到我一個女人都把持唔住……

仲配埋啲經典姣婆語錄，

跟住唔發(fā)生啲咩不可描述嘅情節(jié)

都對唔住觀眾啦！

然而，我都系太天真，

陳豪畀咗一個無懈可擊嘅鋼鐵直男回答范本！

呢種落差感，

只有用黃智賢嘅表情包先可以詮釋！

呢個已經唔系陳豪喺劇中第一次插八婆，

那些年陳豪插八婆事跡簡直可以出本書，

最早可以追溯至十幾年前嘅《洛神》！

女二郭嬛話要割肉畀甄宓食，

其實系為咗扮忠心，博同情。

曹植呢種花靚倞很快就中計，

即刻過去阻攔郭嬛！

然而我哋嘅八婆終結者

陳·鋼鐵直男·豪早就睇穿一切！

哈哈哈！驚唔驚喜！意唔意外！

直接遞一把更鋒利嘅刀，

今時今日咁貼心嘅服務簡直買少見少！

《溏心風暴之家好月圓》入邊

陳豪嘅八婆克星修為更上一層樓！

前面表叔恭喺度吹捧紅姨嘅付出，

全場人都敢怒不敢言。

陳豪飾演嘅阿卡

當場踢爆紅姨小產嘅真相，

紅姨聯(lián)同表叔恭一齊屈自己細路，

話系自己細路間接令到紅姨小產！

鏗鏘有力，直插紅姨

就問你服未！

如果你覺得仲唔夠精彩，

就睇阿卡跣家美呢一幕！

Sa姨踢爆家美唔系小產，系自己墮胎

仲要將責任推畀無辜嘅荷媽，

攞住條藤條就要fi家美！

阿卡一聲“唔好打”制止住Sa姨，

你以為佢真系想攔住Sa姨，

咁你就太傻太天真啦啦啦！

事實真相系——

系咪熟悉嘅配方，熟悉嘅味道呢！

煽風點火插八婆，我就服陳豪一個！

?

其實呢幾年TVB多咗好多好男人角色，

比如陳豪喺《鬼同你OT》、《來自喵喵星的你》

都畀楊秀惠色誘都坐懷不亂。

（我一度懷疑過系陳茵微賄賂曬啲編劇）

其中最經典嘅《情越海岸線》

朱璇捉咗張國強老婆，仲勾引張國強

希望令兩個人感情破裂。

?

?

?

但張國強一面正氣拒絕咗樣靚身材正嘅朱璇，

講咗一番對老婆嘅深情表白

直接秒殺在場所有男性！

橋黑板啦！

各位男性仲唔熟讀全文并背誦？

當女朋友或老婆問你啲假設性問題，

你直接重復一次對白，

保證你安全渡過80%難關！

?

除咗陳 · 八婆克星 · 豪

同張 · 姣婆終結者 · 國強

你心目中嘅直男典范仲有邊個？