檸檬茶飲料，系每個廣東學生嘅回憶。

最近，陽光檸檬茶喺香港地區(qū)推出懷舊版包裝，將于3至6月喺市面銷售。（目測只喺香港地區(qū)售賣）

比起被人吹捧為“爽過吸大麻”嘅維他檸檬茶，近幾年嘅陽光檸檬茶沉寂咗好多，完全對唔住佢以前嘅輝煌。

唔好睇少呢款就賣幾蚊嘅飲料，佢曾經(jīng)系香港數(shù)一數(shù)二嘅造星機器，當年任何人只要接拍陽光嘅廣告，都會走紅。

▲唔好問第二行左邊嘅黃宗澤點解表情咁銷魂

陽光檸檬茶九個版本嘅廣告，唔知你又睇過幾多個？（此處小心會暴露年齡~）

陽光屬于可口可樂公司，自1986年推出時就以「邊度都有陽光」為口號。

第一個版本嘅廣告系梁佩玲拍嘅，以陽光與海灘為主題，一群年輕男女喺度打波嬉戲，此時就可以睇出陽光主打年輕人路線。

邊個陽光檸檬茶廣告最無可替代，最深入民心？

肯定系87年鄭伊健版，而且呢個廣告系鄭伊健入行之后拍攝嘅第一個廣告。

該廣告講述女主角暗戀鄭伊健嘅故事，追求愛情之中既有甜蜜，又帶苦澀，與檸檬茶嘅味道不謀而合。由于廣告大賣青春戀愛元素，一經(jīng)推出就大受歡迎，成為經(jīng)典。

以后大家提到檸檬茶廣告，第一時間都系諗起鄭伊健，亦陽光往后繼續(xù)以青春愛情為主線嚟拍攝廣告。

其廣告曲《如果….陽光》一樣膾炙人口，有傳系周美茵唱，亦有人話系廣告女主角Yvonne Yuen唱，至今仍然系一個謎。

鄭伊健之后嘅陽光檸檬茶廣告，應該系最索嘅廣告版本，因為睇完成個廣告，我咩都唔記得，就記得樊亦敏驚為天人嘅容貌。

廣告內(nèi)容同樣關于一個暗戀嘅故事，不過今次變成系男方暗戀女方。

樊亦敏系91年香港小姐嘅最上鏡小姐，拍呢個廣告歌時候就二十歲左右，成塊面都系膠原蛋白。

呢個版本嘅廣告歌系蘇永康所唱，歌名為《Sol #4》，一樣都好好聽。

同之前幾個版本比，呢個版本就真系冇咩激情，低調(diào)到冇咩人記得。

陽光首次喺青春愛情廣告之中引入友情，呢個版本講述咗兩男一齊暗戀同一個女女仔嘅故事，最后大家維持住原有嘅友情，冇挑明心事。而女主角系酷似胡杏兒嘅譚凱欣。

好多人都會對呢個版本好熟悉，并唔系因為男女主角有幾出名，而系阿句貫穿始終嘅經(jīng)典臺詞——

乜咁啱嘅！

女生想扮偶遇心儀嘅男仔，點知一次次錯過咗，最后意想不到撞返心儀男仔，由男方講出自己一直想講嘅對白——“乜咁啱嘅！”

當年有幾多少男少女睇完呢個廣告之后，都曾經(jīng)幻想過自己可以經(jīng)歷廣告入邊嘅情景。

▲女主角系Theme時裝連鎖店太子女賴沅貞

▲男主角資料不詳，但系被人話好似謝霆鋒

由于呢個版本真系好紅，導致后來出咗好多影視惡搞版，比如《食神》之中周星馳同鐘麗緹就重現(xiàn)過呢個場景。

如果唔系特登搜資料，我都唔記得有呢個版本，而且呢個版本劇情都幾無聊。

呢個版本就系講一班花靚KEN無所事事，就話下一個從街口出嚟嘅人就系男主角以后嘅老婆，結果系女主角出嚟，仲要系男主角舊同學，最后女主角喺個檸檬茶包裝上邊留電話，暗示二人有下文。

雖然呢個叫方力申版，不過其實方力申唔系主角，就得兩秒鏡頭（仲要系快鏡），主角系下邊嘅男生——

男生將表白嘅話語寫喺檸檬茶上邊，放喺暗戀女生每日都會坐嘅巴士座位上邊，準備表白，點知今次就畀另一個女生攞到。

不過，最后都系有驚無險，成功表白，成個廣告頗有愛情輕喜劇嘅風格。

陽光檸檬茶歷代廣告之中，點擊量最高嘅唔系鄭伊健版，唔系“乜咁啱嘅”版，而系張柏芝同黃宗澤拍嘅版本。

可能大部分人都系因為當年張柏芝嘅盛世美顏——

▲求其截下圖都靚到爆

故事發(fā)生喺學校游泳隊，主角系兩男一女，主要都系身為啦啦隊同助理嘅張柏芝，同游最后一棒嘅泳將黃宗澤嘅心理描寫，故事本身已經(jīng)大大淡化愛情，反而著重于對夢想嘅追求同友情嘅刻畫。

呢個廣告出街之后，張柏芝就被大小雜志、電影公司尋求合作，被周星馳發(fā)掘，所以就有后來《喜劇之王》嘅柳飄飄，而黃宗澤都因此喺第二年加入無線，踏上演員之路。

何思諺版系陽光2010年推出嘅廣告，女主角Leanne 何思諺，由香港網(wǎng)民公投出嚟。

呢個版本照舊系兩個女生暗戀一個男生嘅陳年故事，而由于自己好朋友同男主比較親近，令到女主角呷醋，不過最后大家都系和好如初。

▲比起之前啲女主，呢兩個女主角稍微差強人意

呢個版本齊集咗以往幾個版本嘅經(jīng)典元素，從相遇、錯摸到整親腳嘅老土劇情，加上由馮曦妤翻唱嘅《如果…陽光》，好明顯就系復刻舊版。

?

個人感覺，成個廣告就好似系一份“雜扒”，咩都有，但系咩都唔系最好，已經(jīng)失去咗前作嘅風采。

“邊度都有陽光”

唔經(jīng)唔覺，呢句話已經(jīng)陪伴咗我哋咁多年，咁你心目中，最經(jīng)典嘅陽光廣告就系邊個？