2001年尾開始湊外孫，如今牛高馬大升大學了，童裝奶粉玩具三座開心又閉翳大山已經搬走。我外孫是有特質的兒童，將近3歲才開口講話，他最中意的圖案是燈柱路牌交通標志，尤其是一車一棍的閘口。他還喜歡聽TVB的天氣預報，一聽完能一字不漏復述出來。他聽我講完“百萬英鎊”，再看這電影碟片，然后糾正我講漏講錯和加上去的情節(jié)，那時才5歲。他最中意廣告片，插播完再播劇情，就一直扭計至再插播。19個寒暑過去了，讀書的壓力使很多青少年木口木面，我不時和他回憶兒時往事，包括我狗尾續(xù)貂的改編童謠。

行行，行行，

行到街邊執(zhí)個橙，

橙好食，路好行，

快啲行，快啲長高長大。

舊時讀書求功名，

如今只為求應聘，

博士碩士都送外賣。

外賣仔要行得快，

行得快就好世界，

行得摩唔止無鼻哥，

老板與客齊啰嗦，

連累份工都無咗，

趴文案，彈電腦，

份糧奀過傻仔奀，

不如黃袍電車仔，

行得快有一萬三。

讀書不成三大害，

讀完得咗又奈何？

細時望佢執(zhí)個橙，

今時日日執(zhí)個桔！

雞公仔，尾彎彎，

做人新抱甚艱難，

早早起身都話晏，

眼淚唔干入廈間。

廈間有個冬瓜仔，

老爺話蒸奶奶話煮，

蒸蒸煮煮都唔中意，

十日跪爛九條裙，

度日如年真該煨！

如今雞公無聲氣，

朝早起床靠鬧鐘，

早早起身為返工，

廚房唔入有乜奇？

睬佢都傻一身松，

家務納雜使老公，

老爺奶奶做義工，

十指孖埋有專攻，

車縫裁剪挑織勾，

煎炒炇燉手污糟，

一于唔做免甩須。

做爛十只水晶甲，

休息扮靚返外家，

左右兩手“水晶蕉”，

老爹老媽錫到燶。

今時今日靚新抱，

又靚又閃又俏嬌，

直情成個“廣州塔”，

七彩靚爆“扭紋柴”。

落雨大，水浸街，

阿哥擔柴上街賣，

阿嫂系企著花鞋，

花鞋花襪花腰帶，

珍珠蝴蝶兩邊排。

落雨大，水浸街，

阿哥送氣未返家，

阿嫂留守種地旱。

阿哥涉水車死火，

阿嫂盼雨曬崩頭，

老天不要亂播雨，

浸街阿哥路艱難，

種地盼雨你偏要旱？

食粥食飯全靠你，

該睛該雨益萬民。

落雨大，水浸街，

渠蓋打開變虎口，

仲有燈柱會漏電，

人人耕水要執(zhí)生。

要想餐餐有魚蝦，

阿哥阿嫂要落力，

好天落雨無得懶，

后生揾夠老來財。

噯姑乖，嫁后街，

后街有鮮魚鮮肉賣，

又有鮮花戴，戴唔哂，

放系床頭老鼠拉。

噯姑瞓，好眼瞓，

人人手機傷眼神，

阿爺阿嫲玩抖音，

阿爸阿媽睇視頻，

雖然我細無手機，

實情我擁有幾部。

個個湊我都出神器，

小小年紀我識玩，

又任性來又在行。

手機電玩通街有，

帶旺多人買眼鏡，

老中青都無執(zhí)輸。

三歲已經定八十，

我都快變“四眼仔”，

三十后生七十耳，

耳機耳仔變“阿陳”，

預支好眼變壞眼，

預損好耳變半聾，

個個家長要警覺，

耳慢眼慢真執(zhí)輸。

我知自己靠個腦慣性記返的事物好疏漏，但無機會做深入研究憑興趣，一個平板一迭稿紙一本學生字典寫的下里巴人好水皮。但憑我對廣州的愛，對廣府文化的戀，我都要螳臂寫春秋，朽腿踏江湖。