廣州，從來唔缺品牌。

人人必備嘅微信喺廣州出世，恒大喺廣州發(fā)跡，而今日要講嘅，系一個體積媲美iPhone X嘅上世紀廣州明星產(chǎn)品——

?

電車牌番枧

（以下簡稱電車枧）

▲感謝阿咩貢獻嘅扮成iPhone 8 Plus嘅iPhone 7 Plus

系咪冇呃你，iPhone 咁大嚿，一個人可以用大半年，但竟然只賣幾文。

你或者喺你阿爺阿嫲屋企見過佢，顏色灰黃、質(zhì)感粗糙，成嚿磚咁大，聞起身有陣無法形容嘅枧水味，最明顯嘅系，番枧表面萬年不變會印住“電車”兩個字。

電車枧由廣州肥皂廠生產(chǎn)，佢嘅前身源昌枧廠創(chuàng)立于20年代，系廣東最早一批番枧廠。

憑借一塊暗黃色嘅番枧，廣州肥皂廠迎來自己嘅黃金時期，成為全國聞名嘅輕工業(yè)品牌。

電車枧曾經(jīng)有幾輝煌？上世紀七八十年代，每個廣東家庭必備兩三塊電車枧，可以話系紅過鐘楚紅，發(fā)過周潤發(fā)。

因為佢價格親民、去污能力強、一塊用好耐，一塊番枧可以滿足成家人沖涼洗手、洗衫清潔。

經(jīng)歷過戰(zhàn)火動蕩嘅年代，公私合營嘅改革，廣州肥皂廠一度系廣州城內(nèi)唯一嘅番枧生產(chǎn)廠，作為一個城市標志品牌聞名全國。

從80年代開始，廣州肥皂廠被美國寶潔公司入股，而中國第一樽海飛絲都系從廣州肥皂廠嘅車間生產(chǎn)。

只可惜，以上都已成為過去式。

如今，隨住社會經(jīng)濟發(fā)展、外來品牌進駐，廣州肥皂廠風(fēng)光不再，曾經(jīng)嘅明星產(chǎn)品連進入大型商場嘅資格都冇，只可以退守老式雜貨鋪。

喺一般嘅超市商場，根本見唔到電車枧，只有老式雜貨店先可以搵到。于是，我特登去咗一次中山六路嘅勵紅百貨，買咗嚿電車枧返嚟用。

根本都唔使問人，一行入去我就見到啲番枧，冇任何包裝修飾，就咁安靜整齊擺喺最顯眼嘅地方，就等識貨之人嚟幫襯。

除咗電車枧，仲可以見到一啲“失蹤咗好耐”嘅國貨產(chǎn)品。

▲升價到17文一支嘅大象牌沐浴液

▲段斤賣嘅“原諒色”花露水

▲中間嘅雙喜暖水壺引人矚目

▲畀我老竇戲稱為“乞衣兜”嘅搪瓷碗

見到呢啲似曾相識嘅古董級商品，恍如隔世嘅物價水平，就連埋單都只收現(xiàn)金，行入勵紅，就好似登上一部穿越返十幾年前嘅時光機。

喺呢個連乞食都可以移動支付嘅年代，勵紅既格格不入，又彌足珍貴，喺時代步伐嘅沖擊下，佢依然以自己嘅節(jié)奏穩(wěn)扎前進。

走之前，我仲特登問咗下售貨阿姨依家多唔多人買電車枧用，佢話：“多啊，咩人都會嚟買，反正洗手洗衫抹嘢咩都得！”

話口未完，有個阿姨行入嚟話：“唔該，要嚿電車！”

售貨阿姨好自然就答一句：“嗰邊畀錢先！”

生活喺寸金尺土、高樓遍地嘅廣州，一餐飯食二三十文算唔算貴？

我哋都會覺得正常，但我婆婆每次聽到，都覺得貴，話我大花灑，唔使知慳識儉。以前并唔理解點解幾十文佢就大驚小怪，依家開始明白。

阿爺阿嫲嘅年代，系一個十幾文養(yǎng)活一家人，一塊番枧用足大半年、一對鞋著到爛都唔舍得掉嘅艱辛年代。

?

搵朝唔得晚，食餐飽飯就已經(jīng)非常唔容易，就唔會太在乎咩生活品質(zhì)，就好似呢塊嘅電車枧，價廉物美、簡單好使咪得咯！

?

四十年前嘅廣州與依家有翻天覆地嘅差別，離我哋好遠，就如另一個時空。但對于老一輩人，系一段恍如昨日嘅辛勞歲月，精打細算、勤儉節(jié)約已經(jīng)成為烙印于日常生活嘅習(xí)慣。

?

而且講到底，佢哋慳慳埋埋為咗乜？咪又系為咗我哋呢啲化骨龍！

依家，洗衣機早已解放雙手，沐浴露洗頭水取代番枧，電車枧成為一個上一代人先提起嘅名詞。

如果你經(jīng)過老式雜貨鋪，不妨買返嚿電車枧或者直接分享呢篇文章，守護下呢個碩果僅存嘅本土國貨，及其背后嘅老廣回憶。

作品：《天幕下的番枧》

by某廣東過氣網(wǎng)紅阿咩

?

↓最有粵味嘅雜貨鋪