「口立濕」究竟系咩？
依家有人將「口立濕」誤認為系零食嘅意思，實際上「口立濕」系特指涼果，即味道偏濃嘅腌制生果零食。
廣東人之所以叫涼果作「口立濕」，來源有二。
一系食完腌制嘅生果小食，增加口水分泌，令人下次見到都流口水。
二系“立濕”從“垃圾”或“垃雜”而來，由于涼果唔屬于正餐，經(jīng)常喺無聊時候先食用，而“口垃圾”講起身唔夠順口，就演變成「口立濕」。
大量國外零食進駐中國之前，「口立濕」系普羅大眾嘅超級零食，去電影院睇戲、通宵做嘢、無聊打牙鉸嘅時候，個個都鐘意買包「口立濕」嚟食。
常見嘅「口立濕」包括話梅、八仙果、飛機欖、甘草檸檬等。
原本平凡嘅食材，經(jīng)過鹽醋糖嘅腌漬，味道層次變得豐富，有鮮酸、清甜、果香、回甘，如人生一樣五味紛陳，既咸又甜嘅涼果含喺嘴中，慢慢嗒，唔單止可以解饞開胃，仲可以令身心開懷。
▲最初嘅甘草檸檬系原只連核，以前嘅人覺得成個啜食先原汁原味，但后來時代進步，啜食檸檬被認為有失儀態(tài)，甘草檸檬先轉(zhuǎn)為去核切片售賣。
時移世易，零食嘅世界早就“改朝換代”，涼果早就唔系大眾零食嘅主力軍，連「口立濕」一詞都好少人講。
除咗「口立濕」，仲有咩零食系上一代人心頭好？
「肥仔米」
「肥仔米」其實就系爆谷、米通，將大米或粟米放喺大炮筒，加糖精不停翻轉(zhuǎn)燒焗，“嘭”一聲后，大米變“肥”，變成香甜松脆嘅爆谷！
以前嘅肥仔米有兩種，有錢人用粟米爆，窮人就用大米，當細路仔聽到街上突然傳來“嘭”一聲，就知系爆“肥仔米”嘅人嚟咗，就會喺屋企米缸偷偷攞啲米，拿去做「肥仔米」。
雖然依家爆谷四圍都可以賣，但系冇咗驚天動地嘅“嘭”一聲，始終少緊啲嘢。
「BiBi糖」
「BiBi糖」本命為可利斯口哨糖，日本超高人氣嘅糖果，每粒糖果片可作哨子，吹一下會“嗶嗶”叫，如果細心鉆研，仲可以吹出音樂，而且每排糖仲附有趣可愛的玩具盒。
「康康蔬菜餅」
黃色包裝、蔬菜口味嘅膨化食品，80后最中意嘅零食，嗰時康康已經(jīng)有附送小玩具，之后嘅奇多都系學佢哋。
▲康康附贈嘅其中一種玩具
「多拿蝦餅」同「康康蔬菜餅」都系風靡一時嘅零食，不過實在搵唔到相關圖片，冇辦法詳細介紹。
「啄啄糖」
?「啄啄糖」（一般被誤寫為“叮叮糖”或“丁丁糖”），廣東一種傳統(tǒng)糖果，啄啄糖本身為一大塊帶有芝麻和姜味嘅麥芽糖，質(zhì)地堅硬。
街邊小販售賣啄啄糖，需要從鋅盆中鑿碎糖塊，會發(fā)出“叮叮當當”嘅聲，啄啄糖因而得名。
如今街頭嘅「啄啄糖」小販買少見少，但系超市同西餅店偶爾仲會有「啄啄糖」賣，不過已經(jīng)再都聽唔到嗰陣清脆嘅“叮?！甭?/strong>。
「眼鏡朱古力」
包裝如同眼鏡鏡框嘅朱古力，食朱古力之前，經(jīng)常會猜包剪揼，勝出嘅一方可以先挑選自己中意嘅顏色嘅朱古力。
以前細路仔仲好中意喺朱古力上邊穿兩條橡筋，當眼鏡戴。
「手工麥芽糖」
「麥芽糖」系一種富有金黃光澤、黏口軟滑嘅懷舊糖果，相信大家都唔會陌生，因為電視劇定日常生活中都會經(jīng)常見到。
據(jù)說，以前零用錢唔多嘅細路仔，想食麥芽糖，就會攞自己玩具同賣糖者交換，呢種都算系麥芽糖獨有嘅交易方式。
「咸酸」
廣東嘅街頭小食之一，以咸酸口味為主，將時鮮果蔬用糖精、米醋腌浸，封存兩日左右即可，清爽酸甜，開胃宜人。咸酸中以“椰子夾酸姜”、“攻鼻芥菜”等最為出名，
“攻鼻芥菜”系咸酸擔嘅招牌，賣咸酸嘅小販喺街上邊行邊叫賣，成日中意大聲嗌：“攻鼻芥菜，辣辣都有！”
此外，同名嘅食物仲有咸酸鹵味（咸酸小販除賣咸酸外附帶賣鹵水食品）同咸酸火鍋（以前廣州街頭嘅打邊爐走鬼檔）。
懷舊零食仲有好多，如戒指糖、唇膏糖、足球朱古力等，就唔一一介紹啦，唔知你童年嘅最難忘嘅零食又系咩呢？
細個食零食系為咗滿足味蕾，大個食零食，更多系為咗回味過往，有時候真系希望時間可以行慢啲，令我哋嘅童年可以留耐啲。
素材出自維基百科、廣州文化網(wǎng)等
羊城網(wǎng)負責整理編輯
最新評論